Preĝado ĉe la hejmo
Nomata Hejma Brigado de la Nova Ordono de Jesuo, la renkonto ebligas studojn, pripensojn kaj preĝadon por familia trankvilo kaj Paco.
La Religio de Dio, de la Kristo kaj de la Sankta Spirito1 invitas siajn adeptojn kaj simpatiantojn fari ĉiusemajne ekumenan ceremonion kun la celo plifortigi la familion. Tiu fratama renkonto, kiu povas ankaŭ kunvenigi najbarojn kaj amikojn, taŭgas por ke la trankvilo ĉe la hejmo helpu venki la ĉiutagajn defiojn, malebligante ajnan malpacan etoson kaj stimulante unuecon inter familianoj.
Pri tiu grava ceremonio instruas la prezidanto-predikanto de la Religio de la Tria Jarmilo, Paiva Netto: “Krom partopreno en la grandaj kunvenoj, kiuj okazas ĉiusemajne ĉe la Ekumenaj Preĝejoj de la Religio de Dio, de la Kristo kaj de la Sankta Spirito, la adeptoj efektivigas ekumenan, religian renkonton, ĉe kiu kunvenas parencoj, amikoj kaj najbaroj por studi la Ekumenan Doktrinon de la Religio de la Tria Jarmilo, legante kaj primeditante la doktrinlibrojn de la Dia Religio. Tio proksimigas al la hejmo la Ĉielajn Falangojn, kiuj protektas tiujn, kiuj vere indas ilian protekton. Rezulte, la familio ricevas benojn de la Ĉiela Patro, kaj plifortigas siajn ligojn el Amo, solida bazo por la fondo de la Unusola Grego de Jesuo, la Ekumena Kristo, la Dia Ŝtatestro, en la Tero kaj en la Tera Ĉielo, fidele plenumante la kriteriojn enhavatajn en tiu ĉi publikaĵo. La homoj revigligitaj tiamaniere venkas la defiojn alfrontatajn en la aktualeco, per nedisigebla unueco ĉirkaŭ nia Plejsublima Majstro”, teksto prenita el la libro Paiva Netto kaj la Proklamo pri la Nova Ordono de Jesuo — La heroa sagao de Alziro Zarur (1914-1979) sur la Tero, la unua publikaĵo de la Akademio Jesuo, la Ekumena Kristo, la Dia Ŝtatestro, p. 141.
Ĉu ankaŭ vi deziras okazigi tiun ceremonion ĉe via hejmo? Vidu nian proponon pri maniero efektivigi ĝin:
Ludigu edifajn kaj trankviligajn muzikojn. Propono: Saluton, Maria!.
En la ĉefĉambro de via domo, provizu seĝojn, sofon aŭ sidilojn por ke ĉiuj sentu sin komfortaj. Vi ankaŭ povas havi kruĉon aŭ botelon kun akvo, por ke ĝi magnetiziĝu dum la ceremonio. (Foto: Gabriel Estevão)
Elektu tekstojn el la Sankta Biblio aŭ vizitu la blogon de verkisto Paiva Netto por legi artikolojn, kiuj povas helpi dum tiu momento de pripenso kaj studo.(Foto: Gabriel Estevão)
Komence de tiu ceremonio, invitu viajn familianojn kaj geamikojn eldiri Paco-Saluton. Oni ĉiam faras ĝin je la komenco kaj fino de la renkontoj de la Religio de la Tria Jarmilo: “Dio ĉeestas! Vivu Jesuo en niaj koroj por ĉiam!”.(Foto: Gabriel Estevão)
Invitu ĉiujn resti silentaj dum momento, orientante ilin koncentriĝi pri bonaj pensoj, sentoj de amo, respekto, dankemo. Tuj poste, konservante la etoson trankvila, elektu grupanon por laŭtlegi la Traktaĵon pri la Nova Ordono de Jesuo. La vortoj de Jesuo helpos onin konservi la etoson de amo kaj respekto ĉe la hejmo. Tiu tuta momento antaŭas la komencan preĝon de la renkonto, kiun ĉiuj povos deklami.(Foto: Gabriel Estevão)
Laŭtlegu unu aŭ du el la tekstoj elektitaj dum la paŝo 2. Legu la tekstojn tiel solene, kiel vi preĝis dum la antaŭa paŝo. Se vi preferos, kundividu la legadon kun aliaj partoprenantoj kaj invitu la ĉeestantojn komenti. Tiu oportuno kontribuas, por ke oni komprenu la ekumenan figuron de Jesuo kaj plivastigas la scion pri la instruoj de la Religio de Universala Amo.(Foto: Gabriel Estevão)
Post la studo, invitu la partoprenantojn danki laŭtvoĉe la Ĉielan Patron kaj la Kriston de Dio por la lecionoj lernitaj kaj por la benoj ricevitaj tiusemajne. Ankaŭ tiu paŝo plifortigas la dialogon inter la grupanoj.(Foto: Gabriel Estevão)
Reinvitu ĉiujn eldiri ekumenan preĝon, trinki la magnetizitan akvon kaj ekkrii la Legianan Saluton: “Dio ĉeestas! Vivu Jesuo en niaj koroj por ĉiam!”.(Foto: Gabriel Estevão)
Invitu viajn familianojn. Kaj kial ne ankaŭ geamikojn kaj najbarojn?! La tago, horo kaj daŭro de la renkonto akordiĝas kun la disponebleco de ĝiaj partoprenontoj.(Foto: Gabriel Estevão)
Komence, eble estos malfacile por la familio organizi sin, sed ne maltrankvilu, ĉar baldaŭ tio fariĝos kutimo. Se vi deziros, vi povos peti, ke ĉeestu la ceremonion ekumena predikanto de la Religio de la Tria Jarmilo. Li/Ŝi povos kontribui al la gvidado de tiu renkonto. Se vi loĝas en pli foraj regionoj, vi ankaŭ povos peti la helpon de ekumena predikanto per la interreto, en la Angla, Esperanta, Franca aŭ Hispana. Retmesaĝu al ni, se vi deziros.
______________
1 Religio de Dio, de la Kristo kaj de la Sankta Spirito — Ankaŭ nomata Religio de la Tria Jarmilo kaj Religio de Universala Amo. Temas pri la Ekumena Religio de Brazilo kaj de la mondo.
La komentoj ne reprezentas la opinion de ĉi tiu retejo; ili estas sub ekskluziva respondeco de ties aŭtoroj. Ne estas permesata la enmeto de netaŭga materialo, kiu malrespektas la etikon kaj bonmorojn kaj/aŭ la rajtojn de aliuloj. Konu plie ĉe Oftaj demandoj.